Blog

Apokriewe boeke

Die Griekse woord apokruphos beteken verborge en apokriewe was aanvanklik in letterlike sin die verborge geskrifte. Die Kerk het egter hierdie boeke in ‘n minder gunstige lig beskou en het dit ‘n negatiewe konnotasie gekry. Dit is gesien as vervalsings met geen gesag. Augustinus noem dit die fabels van daardie geskrifte wat apokriewe genoem word. Hier volg ‘n verhaal wat in die apokriewe boeke voor kom en wat heeltemal onaanvaarbaar is.

1. Toe die kindjie Jesus vyf jaar oud was, was Hy (na ‘n reent) aan speel by die drif van ‘n spruit. En die lopende water het Hy bymekaar gekeer in damme en hulle onmiddellik helder laat word, op sy blote woord het Hy hulle daartoe beveel.
2. En nadat Hy sagte klei gemaak het, het Hy daaruit twaalf mossies gevorm. En dit was op die sabbat toe Hy dit gedoen het. En daar was ook baie ander kindertjies wat saam met Hom gespeel het.
3. En toe ‘n sekere Jood sien wat Jesus gemaak het terwyl Hy op die sabbatdag speel, het hy dadelik heengegaan en vir sy vader Josef gesê: Kyk, jou Kind is by die spruit en Hy het klei geneem en daarvan twaalf voëltjies gemaak en so die sabbat ontheilig.
4. En Josef gaan na die plek en sien dit en hy roep na Hom en sê: Waarom doen Jy op die sabbat hierdie dinge wat nie geoorloof is om te doen nie? Maar Jesus het sy hande geklap en na die mossies geroep en gesê: Gaan! En die mossies het opgevlieg en tjirpend weggegaan.
5. En toe die Jode dit sien, was hulle verbaas en hulle het teruggegaan en aan hulle owerstes vertel wat hulle Jesus sien doen het.